Uncategorized

طريقة تحضير السفة المغربية


المقادير و الطريقة:اولا نديرو الماء يغلى من بعد ندهنو السفة نصف كيلو مزيان بالزيت من بعد نديورها فالكسكاس ديال الطنجرة ونردوها تبخر حتى تولي السفة مشوكة تقريبا واحد نصف ساعة من بعد ما دازت 30 دقيقة نزولوها من فوق النار وحطوها فشي قصعة كبيرة او بانيو غارق كاناخدو كمية كثيرة من الماء عادي باردونكبوه عليها مزيان حتى كاتغطى السفة تماما كتولي كتوم فالماء ونحلوها بيدينا كانزولوها مباشرة نصفيوها من الماء ونرجعوها للكسكاس ونردوها للمرة التانية تبخر مدة 30 دقيقة من بعد ما تبخرات نزولوها ونعملوها فقصرية نوجدو كاس ماء مخلط مع القليل من الملح ونبداو نرشو فحال الكسكسو متكتروش الماء بزاف باش متعجنش لكم ونحلوها مزيان ونردوها للمرة التالثة والاخيرة نردوها واحد 20 دقيقة تتبخر من بعد ما تبخرات نوجدو 2 ملاعق سكر سنيدة نزيد عليهم 2 اكياس فانيلا نخلطوهك مزيا ونرشو بيهم السفة مزيان ونحركوها ناخدوا ربع لتر ديال الحليب الى درتو كيلو ديال السفة ديرو نصف لتر حليب ثم نرشوها بالحليب ماتخافوش منها وحلوها مزيان ونتوما كاترشو ونردوها تبخر للمرة الاخيرةمن بعد نحطوها فالقصرسة ونزيدو عليها طرف ديال الزبدة ونحربلوها مزيان ونبني ونبنيوها على شكل الأهرام التزيين يبقى حسب الرغبة انا زينت باللوز مقلي و شوية القرفة وشوية سكر كلاصي ممكن تزيدو البرقوق معسل او التمر معمر او الزبيب او المشماش او اي فاكهة مجففة .نصيحة هاد السفة كتزيان أكثر فاش كتبات وكتسخن.بالصحة والراحة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى