Uncategorized

كسكس بالمساخن أو ما يسمى بالمكٓفول

كسكس بالمساخن أو ما يسمى بالمكٓفول معروف في جهة عبدة خصوصا مدينة آسفي 💙بالنسبة لهاد الطريقة يمكن نديروها باللحم او الكٓديد ولا الدجاج البلديكناخدو اللحم نهار قبل كنرقدوه فكاس ديال زيت العود (العنبة)جوج معالق كبار ديال المساخن و راس معيلقة ديال الملحة كنغطيوه و نديروه فالثلاجة حتال الصباح..جوج كيسان الحمص نرقدوهم فالما حتا هوما فالليل.كاس الحلبة نرقدوه فالليل.كنشدو البرمة كنديرو فيها اللحم لي رقدنا مع الزيت ديالو مع كاس دالما معليقة سكنجبير،ملح، معيلقة صغيرة ابزار شوية الخرقوم بلدي نقصو عليهم و نخليهم يتشحرو مزيان..من بعد نضيفو الما و الحمص لي رقدناه.و نخليوه على عافية مهيلة.الحلبة تغلى بوحدهامن بعد نشدو كسكس مكسكس داري ولا اتقان على حسب الذوق ( رقيق) كندهنوه بالزيت و نديروه يفورمن يفور نسقيوه بالماء جهد زلافة و معاها شوية الملح و نرجعوه يفور 3 تفويراتالمرلحة الأخيرة نشدو حب الرشاد نخويو عليه الما السخون و نصفيوه و نسقيوه بالبلول ديال اللحم و نسقيو تا الحلبة تا هي غير شويةو بالنسبة للثوم كنرميوه فالتفويرة 3 و نزيدو شوية المساخنالشريحة الطريقة ديالها كنغليوها فما مع معليقة المساخن و شوية السنيدة على حسب الذوق و نخليوها حتا تعسل للتزيين كنصلقو البيض و نعمروه بحب الرشاد كيف ما فالصورة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى