Uncategorized

دونات او بيني

دونات او بينيي بذون بيض بذون زبدة خفاف وناشفين من الزيت كيستحقوا التجربة المقاديركنحتاجو500 غرام دالدقيق(6كيسان ونصف) – كاس دالحليب(يمكن نعوضوه ب2معالق نيدو ونديرو 2كيسان دالماء)-كاس دالماء الدافئ -ملعقة دالخميرة -خمارة حمراء -ساشي فاني-2معالق دالزيت-2معالق دسنيدة-معلقة صغيرة ملح. الطريقة: كنخلطو الماء والحليب والزيت وسنيدة والخميرة والفاني مع خمسة دالمعالق ديال الدقيق نحركو مزيان ونغطيو الخليط ونخليوه خمسة دقايق. من بعد كنزيدو الدقيق اللي بقا والخمارة الحمراء والملح نجمعو العجين خاصو يكون مرخوف شوية وندلكوه مزيان نغطيوه وخليوه يرتاح شوية من بعد نطلقو العجين بالمدلك ونقطعو على شكل دوائر ونثقبوه من الوسط نخليوه شي 10 دقايق ونبداو نقليو. فالقلي من كنحطو العجين فالمقلة كنبقاو نهزو الزيت سخونة بشي ملعقة ونكبوها من فوق البينيي باش كيتنفخ وبالصحة والراحة. التزيين كيبقى اختياري انا كنفضلهوم بسنيدة 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى