صحة وجمال

البومزوي أو القولون العصبي

هما مرض واحد وأصلهم عضو واحد اللي هو المصران وعندهم نفس الأعراض تقريبا وحتى الأسباب وأول سبب لهاد المرض هو الوراثة ممكن يكون وراثي وثاني سبب هو الاعصاب (الضغط والتوتر) وثالث سبب هو الغازات اللي كتكون فالأمعاء وكتوصل تال المعدة هادشي غيجيك فشكل ولكن كمريضة بهاد المرض وليت فاهمة وواعية بيه بزاف هو مرض صعيب بزاف ومعندوش دوا وكنت ديجا هضرت عليه ودبا غنعاود نهضر ليه حيت شفت ناس كتعاني نفسيا ومعارفينش بلي ممكن هو يكون السبب غتسولوني شنو الرابط بينو بين النفسية أجي نشرح ليكم :

المصران جوج ديالو الحوايج كينفخوه العصبية الزايدة و الغازات وحاجة أخرى هادي خاصة غي بالبنات (فاش كتبغي الدورة الشهرية تجي كتنفخ ليك الرحم واللي بدورو كيضغط على المصران وهنا كيولي الخروج عندنا غير معتدل يعني تقدر توصل تال 3 لمرات فنهار عكس الايام العادية دونك المصران تزير شنو غيدير خاصو مساحة كيولي يضغط على المعدة وهي بدورها كضغط على الكبد حتى كيوصل الضغط القلب اللي كيصعاب عليه يخدم كتحس بالضيق وعدم القدرة على التنفس اللي تقدر توصل للإخنتاق شي مرات وهاد الضغط اللي تكلمت عليه الفوق كيدروه حتى الغازات فاش كيتنفخ المصران كذلك وهاد الضغط كلو كيخلي أعضاء الجسم يصفطو نداءات إستغاثة للدماغ غتسولوني كيفاش غنشرح ليكم أي عضو مكيتحرك حتى كيعطي إشارة لمول الشي زعما الدماغ هو اللي كيحللها ويحولها لأمر وتخيل معايا انت الأعضاء ديالك مقجوجين خاصهم يتنفسو كيبقاو يغوتو لدماغ والدماغ يكتخربق مكيبقا عارف لمن إسمع كيولي حتى مضغوط وكيولي يخدم ضعف الخدمة ديالو كيفرز الادرينالين زايد وهنا كتبدا الفراجة زعما بغيت نقول هنا كيبدا الوسواس والهلع والخلعة وحتى التفكير المفرط اللي مكيحبسش كاع كتبقى تفكر وتخطط وبزاف ومكتحسش براسك كتبغي توقف ولكن دماغك كيبقي خدام حيت مضغوط من الأعضاء لاخرين خاصكم تعرفوا أيضا كمعلومة كاين مرض إسمو إلتهاب_الدماغ اللي كتاشفو الدكتور السوري سهيل النجار عن طريق واحد المريضة واللي هو ملي الأعضاء ديال الجسم أو الجسم ككل كيصول لأعلى مستويات الإرهاق والتعب الداخلي كيولي يهاجم الدماغ بطريقة مخيفة الشي اللي كيخلي دماغ يعيا والى عيا الحالة كدخل فنوبات مختلفة منها صرع ولا فصام ولا هلوسة وممكن توصل الجمود اللي بغيت نوضح ليكم أن الدماغ ككل نفسيا وكعضو مرتابط مع الجسد بشكل كبير وكبير بزاف وفي الختام عرفوا شنو كتاكلو وشنو كتشربو المصران ماشي كواتشو راه حتى هو عضو عندو وظيفة وحساسة ومتبقاوش غكدخلو حسنو من التغذية ديالكم وقادو الوقت نتاعها راه غير الى خربقتي الماكلة غادي تخربق مخك نتمنى نكون نفعتكم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى