قطايف بكريمة الكاراميل

جوج كيسان طحين الفورص
نص كاس سميدة
جوج معالق سكر
ثلاث كيسان ماء دافئ
ملعقة صغيرة خميرة
نص معلقة خمارة
ربع ملعقة بكاربونات صوديوم

تجمعي كلشي بالخلاط الكهربائي و تخليه يرتاح لمدة لا تقل عن 7 دقائق

من بعد تطيبيه ف المقلة بحال طياب بغرير
و من بعد ما تختاري شنو الحشوة لي ديري سواء قشطة او جبلي و كريم باتيسري
غدي تاخدي قطوفه (ههه تصغير زعما) و تجمعيها و تقرصيها من جنب منين توصلي للوسط حبسي و عمريها دبا و عاد كملي القريص (أهم حاجة حاولي الاطراف متقيسيهمش بالحشوة باش يبغيو يلصقولك مع بعضويتهم) .

فالحشوة انا درت : كاس سكر حتى ذاب زدت عليه معلقة صغيرة زبدة و منين ذابت زدت عليهم ربعة المعالق نشا و لتر حليب ( تكوني مخلطاهم من قبل مزيان) و واخا يبانلك السكر جمد متخافيش غير حاولي تبقاي تخلطي مزيان حتى تعقد و تولي كريمة .
بالنسبة للقطر و شيرة كما يقولون خاصها تكون باااااردة يعني تكوني موجداها هي اللولة ولا ف صبح المهم فيها ثلاث كيسان سكر و جوج كيسان ماء ديريهم فشي كاسرول و مقيسيهمش حتى يبانلك لون تبدل و السكر ذاب ديك ساعه زيدي المنسمات لي حبيتي سواء حامض او عود قرفه او سكر فاني او ماء زهر المهم لي بغيتي بالنسبة ليا درت جوج سكر فاني
و صافي دخليه الثلاجة يبرد
و القطايف من بعد ما حشيتيهم و قرصتيهم عندك الاختيار يااا تقليهم ف زيت كيجيو مقرمشين من برا و طريين من الداخل او ديريهم فالفران ،تدهنيهم ب شوية زيت و دخيلهم القران من الفوق و من يتحمر الوجه قلبيهم عاوتاني باش يتحمروا من التحت او انك خليهم نص مفتوحين و متقليهم ما تحمريهم ههه
صافي من بعد كديرهم فالقطر يتعسلوا و تزيين ختياري طبعا و بصحة